Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Ağıllı hiylə sayəsində Yer kürəsinin ən quraq yerlərindən birində sağ qala bilir
Cənub-qərbi Afrikada yerləşən Namib səhrası dünyanın ən isti və ən quraq bölgələrindən biridir. Burada nə çaylar, nə göllər var, yağış isə çox nadir hallarda yağır. Lakin bu çətin şəraitdə belə Onymacris unguicularis adlı böcək yaşamağı bacarır - o, susuzluğunu olduqca qeyri-adi üsulla yatırır.
Qaynarinfo xəbər verir ki, bu barədə "BBC Wildlife Magazine" yazıb.
Namib səhrəsinə ildə cəmi 1 santimetrə yaxın yağıntı düşür. Lakin bu, Onymacris unguicularis üçün problem deyil, çünki onun bədəni su toplamaq qabiliyyətinə malikdir.
Jurnalın məlumatına görə, böcəyin zirehi suyu cəlb edən mikroskopik çıxıntılarla örtülüb. Bu çıxıntıların arasındakı çökəkliklər isə suyu itələyən, hamar, mumabənzər maddə ilə örtülüdür.
Səhər dumanı zamanı bu çıxıntıların ucları xırda su damcılarını tutur, sonra isə həmin damcılar böcəyin kürəyi ilə sürüşərək birbaşa onun ağzına axır. Bu mexanizm, sanki öz-özünə su toplayan bir "hidratasiya paketi"ni xatırladır.
Namib səhrasında səhər dumanı yalnız həftədə bir-iki dəfə yaranır. Buna görə də Onymacris unguicularis üçün hər damcı su çox dəyərlidir. Daha çox su toplamaq üçün böcək bədənini 45 dərəcə bucaq altında yerə əyərək, başını aşağı salır və arxa hissəsini yuxarı qaldırır. Bu vəziyyətdə o, küləyin istiqamətinə baxır və duman damcılarının birbaşa ağzına axmasını təmin edir.
Qeyd edək ki, Afrikanın digər iri böcək növləri, xüsusən də Goliathus cacicus və Goliathus regius, yaşayış mühitlərinin məhv edilməsi səbəbindən yox olma təhlükəsi ilə üz-üzədir. Ekoloq Luka Luiselli bildirib ki, Fil Dişi Sahilində Goliathus cacicus populyasiyasının 80 faizi, Goliathus regius növünün isə 40 faizi azalıb.
Qərbi Afrika uzun illərdir dünya kakao sənayesinin mərkəzidir və bu bölgə dünya şokolad istehsalının 70 faizindən çoxunu təmin edir. Kakaoya artan tələbatla paralel olaraq, meşələrin kütləvi qırılması da sürətlənib — bu isə goliat böcəklərinin təbii yaşayış mühitini məhv edir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər