Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
09:09
Xəzərdə zəlzələ oldu
ABŞ-da Meksikaya məxsus təyyarə qəzaya uğradı
Bazar ertəsi, 22 dekabr tarixində ABŞ-ın Texas ştatında, Qalveston körfəzinin sularında Meksika Hərbi Dəniz Qüvvələrinə məxsus təyyarə qəzaya uğrayıb. Təyyarə yanıq xəsarətləri almış xəstələri daşıyırdı. Qəza nəticəsində azı beş nəfər həlak olub, ölənlər arasında iki yaşlı uşaq da var.
Qaynarinfo xəbər verir ki, bu haqda CNN ABŞ Sahil Mühafizəsi, dairə şerifi və Meksikanın hərbi qurumlarının açıqlamalarına istinadən yazıb.
ABŞ Sahil Mühafizəsinin məlumatına görə, təyyarə qəzası barədə xəbər yerli vaxtla saat 15:17-də daxil olub.
Bazar ertəsi axşamına olan məlumata əsasən, beş nəfərin öldüyü təsdiqlənib. İki nəfər xilas edilib, onların vəziyyəti barədə hələlik məlumat verilmir. Daha bir sərnişin itkin düşmüş hesab olunur — Qalveston bəndinin qərbində axtarış-xilasetmə əməliyyatı davam edir.
Meksika Hərbi Dəniz Qüvvələrinin komandanlığı rəsmi şəkildə təsdiqləyib ki, iki mühərrikli kiçik reaktiv təyyarənin göyərtəsində 8 nəfər olub:
• 4 ekipaj üzvü,
• 4 mülki şəxs.
Qalveston dairəsinin şerifi Cimmi Fulen bildirib ki, təyyarə yanıq xəsarətləri almış xəstələri tibbi yardım üçün daşıyırdı. FlightRadar24 xidmətinin məlumatına görə, təyyarə Meksikanın Merida şəhərindən havaya qalxıb və Hyustondan təxminən 80 km məsafədə yerləşən Qalveston–Skoulz beynəlxalq hava limanına istiqamətlənib.
Qəza yerində dalğıclar, kriminalistlər və patrul katerləri fəaliyyət göstərir. Axtarışlara pilotsuz uçuş aparatları (dronlar) da cəlb olunub.
Qəzanın ehtimal olunan səbəblərindən biri çətin hava şəraiti ola bilər. Hadisənin şahidi, yerli Galveston Bait and Tackle şirkətinin əməkdaşı Billi Hovel bildirib ki, qəza zamanı ərazidə sıx duman hökm sürüb.
"Qəza anında görünüş demək olar ki, sıfır idi. Ada yaxınlığında bu, tez-tez baş verir — duman bir neçə dəqiqə ərzində yarana bilir”, – deyə o bildirib.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər