Fransada müsəlmanlara qarşı zorakılıq hallarının sayı artıb


Fransada antisemitizm, irqçi və anti-müsəlman aktlara dair 2017-ci il üçün dövlət hesabatının nəticələri açıqlanıb. Ötən il Fransada anti-semit, irqçi və anti-müsəlman əsasda törədilmiş təhdidlərin sayı azalsa da, zorakılıq hallarının sayı artıb. İrqçilik əsasında edilmiş təhdidlər 17,36% (2016-cı ildə 524, 2017-ci ildə 433), anti-semit əsasda edilmiş təhdidlər 17,1% (2016-cı ildə 258, 2017-ci ildə 214) və nəhayət anti-müsəlman əsasda edilmiş təhdidlər isə 58,5% (2016-cı ildə 118, 2017-ci ildə 49) azalıb. Bununla belə, irqçilik əsasında törədilmiş zorakılıq əməlləri 2016-cı ildə 84 hal qeydə alndığı halda, 2017-ci ildə artaraq 85 olub. Anti-semit əsasda törədilmiş zorakılıq halları hətta 20% artıb (2016-cı ildə 77, 2017-ci ildə 97). Müsəlmanların müqəddəs məbədlərinə hücumların sayı 2017-ci ildə əvvəlki ilə nisbətən azalsa da, yəhudilərin dini ocaqlarına edilən hücumların sayı 22% artıb. Hesabata münasibət bildirən Fransa Daxili İşlər Nazirliyi ölkədə baş verən irqçilik və antisemitizm halları ilə mübarizə məqsədilə həyata keçirdiyi tədbirlərin davam etdiriləcəyini vurğulayıb.


Mətndəki səhvləri bizə bildirin. Bunun üçün mətni seçib, CTRL + ENTER düymələrini sıxın.
Müəllif: İlqar Mehmanoğlu | Baxılıb: 283 | Kateqoriya: OTV Xəbər / Manşet / Dünya Tarix: 02.02.2018, 06:42

DİGƏR XƏBƏRLƏR

CANLI YAYIM