Ərdoğanın sözçüsü: “Türkiyənin Dəməşqdəki rejimlə rəsmi təmas qurması mümkün deyil”-


“Bizim Dəməşqdəki rejimlə rəsmi təmas qurmağımızdan söhbət gedə bilməz və bu müzakirə mövzusu deyil”. Bunu Türkiyə Prezidenti Administrasiyasının sözçüsü İbrahim Kalın deyib. “Astana çərçivəsində 3 təminnatçı dövlətdən biri olaraq, Suriya ərazisində baş verən hadisələri əlaqələndirmək üçün mexanizm yaratmışıq. Vaxtaşırı olaraq bu mesajlar Rusiya və İran vasitəsilə Dəməşqdəki rejimə də çatdırılır”, - o, vurğulayıb.  İ.Kalın bildirib ki, bu çətin və dolayı bir mexanizmdir: “Fövqəladə şəraitdə zərurət yaranarsa kəşfiyyat qurumumuzun birbaşa və ya dolayı yolla təmas qurması mümkündür. Ancaq Ankara-Dəməşq arasında siyasi və başqa sahələrdə birbaşa təmas qurulmasından söhbət gedə bilməz”. Qeyd edək ki, BMT Suriyada Bəşşar Əsəd hökumətini tanıyır. Amma rəsmi Ankara onun legitimliyini qəbul etmir.

Mətndəki səhvləri bizə bildirin. Bunun üçün mətni seçib, CTRL + ENTER düymələrini sıxın.
Müəllif: İlqar Mehmanoğlu | Baxılıb: 202 | Kateqoriya: OTV Xəbər / Manşet / Dünya Tarix: 21.02.2018, 00:20

DİGƏR XƏBƏRLƏR

CANLI YAYIM