Xalça Muzeyində növbəti “Açıq qapı” günü maraqla qarşılanıb

Xəbərin çap versiyası
Tarix: 26-08-2017, 15:46    
Xalça Muzeyində növbəti “Açıq qapı” günü maraqla qarşılanıb OTV Azərtag.az - a istinadən xəbər verir ki, “Açıq qapı” günü çərçivəsində təşkil olunan tədbirin keçirilməsində məqsəd valideynlərlə uşaqlar arasında ümumi maraqları birləşdirmək, ünsiyyət körpüsünü möhkəmləndirmək və ən əsası ölkəmizin mədəniyyət və incəsənətini tanıtmaqdır.

Tədbirin proqramında müxtəlif yaş hədləri nəzərə alınıb. İştirakçılar Azərbaycan xalçaçılığının, dekorativ-tətbiqi sənətinin inkişafı və tarixi ilə yaxından tanış olublar. Onlar muzeydə təşkil olunan ustad dərslərinə qatılıb, öz yaradıcı bacarıqlarından istifadə edərək incəsənət nümunələrini hazırlayıblar.

“Ailə günü” iştirakçıları üçün müxtəlif növ müsabiqələr, oyunlar, əyləncələr və ustad dərsləri təşkil olunub.

Tədbir iştirakçılarının tanınmış memar Elçin Əliyevlə görüşü keçirilib. Görüşdən sonra “Azərbaycan memarlığı” rəsm müsabiqəsi təşkil olunub və ən yaxşı rəssamlar mükafatlandırılıb.

Hər ayın son şənbə günü muzeyimizdə “Açıq qapı” günü keçirilir. Budəfəki açıq qapı günü Azərbaycan Xalça Muzeyinin yeni binasının istifadəyə verildiyi tarixlə üst-üstə düşür. “Açıq qapı” günü çərçivəsində müxtəlif maarifləndirici və əyləncəli proqramlar təşkil olunur.

Qeyd edək ki, Azərbaycan xalçaçılıq sənəti sahəsində dünyanın aparıcı ölkələrindən biridir. 2010-cu ildə xalça sənətimiz UNESCO-nun qeyri-maddi mədəni irs üzrə reprezentativ siyahısına salınıb. Tətbiqi sənətin unikal nümunələrinin toplandığı Azərbaycan Xalça Muzeyi ayrı-ayrı dövrlərdə müxtəlif ünvanlarda yerləşib. Ölkəmizin nadir incilərindən olan xalçaların daha geniş və səmərəli nümayişi məqsədilə Prezident İlham Əliyevin 2007-ci ildə imzalanmış Sərəncamına əsasən Heydər Əliyev Fondunun, Mədəniyyət və Turizm Nazirliyinin, UNESCO-nun birgə layihəsi çərçivəsində Dənizkənarı Milli Parkda Azərbaycan Xalça Muzeyi üçün yeni bina inşa edilib və 2014-cü ildə burada muzey işinin ən müasir tələblərinə cavab verən ekspozisiyası qurulub. Avstriyalı memar Frans Yantsın layihəsi əsasında orijinal üslubda inşa olunan bina açılan xalçanı xatırladır. 2014-cü il avqustun 26-da Azərbaycan Xalça Muzeyinin yeni binasının açılış mərasimi keçirildi. Azərbaycan Respublikasının Prezidenti İlham Əliyev və xanımı Mehriban Əliyeva açılışda iştirak ediblər. Bu əlamətdar tarixdən bu gün 3 il ötür.

Xalça Muzeyində növbəti “Açıq qapı” günü maraqla qarşılanıb

Xalça Muzeyində növbəti “Açıq qapı” günü maraqla qarşılanıb

Xalça Muzeyində növbəti “Açıq qapı” günü maraqla qarşılanıb


OTV.az
Redaksiyamızla əlaqə: +99450-224-40-52; info@otv.az



Facebook hesabınla fikrini bildir
loading...
Diqqətinizi çəkə biləcək digər xəbərlər
    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və Baş Redaktor: Vaqif Hüseynov

 

Copyright © 2014-2017 OTV.az Bu layihə OTV Media Group məhsuludur | Designed by BuludHost



 
Facebook səhifəmiz