Karateçimiz Firdovsi Fərzəliyev Dünya Oyunlarının qalibidir

Xəbərin çap versiyası
Tarix: 26-07-2017, 12:35    
Karateçimiz Firdovsi Fərzəliyev  Dünya Oyunlarının qalibidir Azərbaycan karateçisi Firdovsi Fərzəliyev (60 kq) Dünya Oyunlarının qalibi olub. Polşanın Vrotslav şəhərində mötəbər yarışın finalında F.Fərzəliyev dünya reytinqinin birincisi, iranlı idmançı Əmir Mehdizadəni 4:2 hesabı ilə məğlub edərək karyerasında daha bir uğur qazanıb.

OTV Azərtaca-a istinadən xəbər verir ki, təcrübəli karateçimiz Emad Əlmalikiyə (Səudiyyə Ərəbistanı) 2:0, ötən il Avstriyada dünya çempionatının yarımfinalında hakim qərəzi ilə məğlub olduğu hollandiyalı Geofri Berensə və Matias Qarsia Qomesə (İspaniya) xalsız başa çatan döyüşlərdə hakimlərin qərarı ilə qalib gələrək “B” qrupunu ikinci yerdə başa vurub. Yarımfinalda “A” qrupunun lideri, tanınmış braziliyalı idmançı Duqlas Santos Brosu 5:0 hesablı tam üstünlüklə məğlub edən F.Fərzəliyev finala yüksəlib. Qızıl medal uğrunda görüşdə iranlı rəqibini üstələyən karateçimiz fəxri kürsünün ən yüksək pilləsinə qalxıb.

Dünya Karate Federasiyasının rəsmi səhifəsində (WKF) Firdovsi Fərzəliyevin döyüşləri haqqında qeydlər var. Onu bu çəki dərəcəsində sürpriz nəticələrdən biri adlandırsalar da, F.Fərzəliyevin son illər rəsmi yarışlarda böyük nəticələr göstərməsi, 60 kiloqram çəki dərəcəsində də Azərbaycan karateçilərinin yüksək əyarlı medallara iddialı olmasının göstəricisidir.

Bu nəticə ilə Azərbaycan Dünya Oyunlarının karate yarışlarında ilk gün 12 medal qazana bilən ölkə arasında Yaponiya və Fransa ilə birgə liderliyi bölüşür. İyulun 26-da daha bir idmançımız Ayxan Mamayev tatamiyə çıxacaq. Son dünya çempionatının nəticələrinə əsasən, Dünya Oyunlarına dəvət edilənlər arasında Rafael Ağayev (75 kq) olsa da, favorit idmançımızın zədəsi bu mötəbər yarışda onun çıxış etməsinə imkan verməyib.

OTV.az
Redaksiyamızla əlaqə: +99450-224-40-52; info@otv.az



Facebook hesabınla fikrini bildir
loading...
Diqqətinizi çəkə biləcək digər xəbərlər
{linkfeed}{sape_links}{sape_article}
    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və Baş Redaktor: Vaqif Hüseynov

 

Copyright © 2014-2017 OTV.az Bu layihə OTV Media Group məhsuludur | Designed by BuludHost



 
Facebook səhifəmiz