Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Yunanıstandan 25 milyard avroluq qərar - 12 illik silahlanma proqramı
Yunanıstan baş naziri Kiryakos Mitsotakis ölkənin silahlı qüvvələrini genişmiqyaslı modernizasiya edəcək 12 illik silahlanma proqramını parlamentə təqdim edib.
Qaynarinfo xəbər verir ki, Müdafiə Nazirliyindəki mənbələrə görə, Afina 2036-cı ilə qədər yeni silah sistemlərinə təxminən 25 milyard avro investisiya qoymağı planlaşdırır. Yunan hökuməti bunu "milli müdafiə sahəsində həyata keçirilən ən mühüm islahat" kimi qiymətləndirir, yerli mətbuat isə bu addımı "tarixi qərar" adlandırır.
Baş nazir Mitsotakis parlamentdəki çıxışında "silahlı qüvvələrin və ölkənin müdafiəsinin yeni bir dövrə qədəm qoyduğunu" bildirib. O, "Müdafiə qabiliyyətinə yatırılan sərmayə suverenliyə yatırılan sərmayədir" deyə vurğulayıb.
Mitsotakis həmçinin bu proqramın sürətlə dəyişən geosiyasi çağırışlara cavab vermək və transatlantik əlaqələrdəki boşluqları doldurmaq məqsədilə hazırlandığını açıqlayıb. Yunanıstan lideri yeni təşəbbüsün ölkəsini Avropa İttifaqının müdafiə mexanizminin "əsas sütunlarından biri" halına gətirmək və ittifaqın "ən inkişaf etmiş" ordularından birinə töhfə vermək üçün nəzərdə tutulduğunu qeyd edib.
"CNN Yunanıstan"ın məlumatına görə, 12 illik silahlanma proqramı yerli istehsala, raket əleyhinə müdafiə sistemlərinə, yeni freqat və sualtı qayıqlara, həmçinin F-35 döyüş təyyarələrinin tədarükünə üstünlük verəcək. Proqramın detalları yaxın günlərdə müdafiə naziri Nikos Dendias tərəfindən qapalı iclasda açıqlanacaq.
Yunan mətbuatı bildirir ki, Mitsotakis çıxışında ölkənin növbəti 12 il ərzində formalaşacaq müdafiə strategiyasının əsas konturlarını təqdim etsə də, spesifik məlumatları paylaşmayıb.
Xüsusilə diqqətçəkən məqam ölkənin "Aşil qalxanı" adlandırılan yeni hava hücumundan müdafiə sistemidir. Bu sistem raketlərə, döyüş təyyarələrinə, sualtı qayıqlara, döyüş gəmilərinə və pilotsuz uçuş aparatlarına qarşı müdafiə təmin edəcək.
Hökumət rəsmiləri açıqlamalarında silahlanma proqramında Yunan sənayesinin mühüm rol oynayacağını və yerli istehsal komponentlərinin iştirakı olmadan heç bir satınalmanın həyata keçirilməyəcəyini vurğulayıblar.
AFP xəbər agentliyinin məlumatına görə, Yunanıstan NATO üzvü olan və müdafiəyə ÜDM-in 3%-dən çoxunu ayıran azsaylı ölkələrdən biridir. Bundan əlavə, bu il Yunanıstanın hərbi büdcəsi iki dəfə artırılaraq 6,13 milyard avroya çatdırılıb.
Bu yeni silahlanma proqramı, bölgədəki geosiyasi gərginliklərin fonunda Yunanıstanın müdafiə strategiyasını gücləndirmək istiqamətində atılmış ən mühüm addımlardan biri kimi qiymətləndirilir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər