Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Universitet tələbəsi 145 milyon illik sirri açdı
Böyük Britaniyanın Portsmut Universitetində paleontologiya ixtisası üzrə təhsil alan tələbəsi Benjamin Veston 145 milyon illik qədim bir sirri üzə çıxarıb.
Qaynarinfo xəbər verir ki, tələbə Dorset bölgəsindəki Durlston körfəzinin qayalıqlarında sahə tədqiqatı apararkən 16,5 millimetr uzunluğunda bir alt çənə fosili aşkarlayıb.
Alimlər bu çənənin qədim bir məməli qrupuna – kiçik, çıxıntılı arxa dişləri ilə tanınan "multituberkulat”lara aid olduğunu müəyyənləşdiriblər. Yeni aşkarlanmış bu növə "Novakuladon mirabilis" adı verilib: "Novacula” – heyvanın ülgüc kimi iti arxa dişlərinə, "mirabilis” isə fosilin qeyri-adi dərəcədə yaxşı qorunma vəziyyətinə işarə edir.
Veston kəşfinə dair açıqlamasında belə deyib: "Fosili tapanda həyəcanlandım. Bu kəşfin məni hara aparacağını təsəvvür belə edə bilməzdim. Akademik paleontologiyaya ilk addımlarımı atmağıma kömək etdikləri üçün komandaya və universitetə minnətdaram”.
Portsmut Universiteti fosili qabaqcıl KT (kompüter tomoqrafiyası) skan texnologiyası ilə təhlil edib. Alınan görüntülər daha sonra Əbu-Dabidə çalışan universitetin keçmiş tələbəsi Ceyk Kinin tərəfindən rəqəmsal olaraq işlənib. O, fosilin ətrafındakı qayaları virtual olaraq "təmizləyib” və hər bir dişi ayrı-ayrılıqda üzə çıxarıb. Ardınca universitetin 3D çap laboratoriyasında fosilin 10 qat böyüdülmüş surətləri hazırlanıb.
Tədqiqat qədim məməlilərin dinozavrların hökmranlığı dövründə necə sağ qala bildiyini və ekoloji boşluqları necə doldurduğunu ortaya qoyur. Bu isə erkən məməlilərin təkamül tarixinin anlaşılması baxımından mühüm nailiyyət hesab olunur.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər