Xəbər lenti

İdman 11:51 02.04.2025

"Real Madrid"in prezidentindən fantastik mükafat

La Liqa, UEFA Çempionlar Liqası və Kral Kubokunda mübarizə aparan "Real Madrid" yayda FIFA Klublararası Dünya Kubokunda da iştirak edəcək. 

Qaynarinfo xəbər verir ki, klub prezidenti Florentino Perez həm Çempionlar Liqası, həm də FIFA Klublararası Dünya Kuboku üçün ayrılacaq mükafat məbləğini müəyyənləşdirib.

Karlo Ançelottinin rəhbərlik etdiyi Madrid təmsilçisi hazırda qədər bütün turnirlərdə mübarizəsini davam etdirir. "Los Blankos" həm La Liqa, həm Kral Kuboku, həm də UEFA Çempionlar Liqasında yarışır. "Real Madrid" La Liqada 29 turdan sonra 63 xalla ikinci pillədə qərarlaşıb. Lider "Barselona" 66 xal toplayıb. Üçüncü sırada isə 57 xalla "Atletiko Madrid" yer alır.

Madrid təmsilçisi UEFA Çempionlar Liqasında 1/8 finalda "Atletiko Madrid"i mübarizədən kənarlaşdıraraq 1/4-ə finala yüksəlib. "Real Madrid" 8 və 16 aprel tarixlərində "Arsenal" ilə qarşılaşacaq.

"Real Madrid" İspaniya Kral Kubokunda da yoluna davam edir. Komanda ötən axşam yarımfinalın cavab görüşündə "Real Sosyedad"ı üstələyərək finala çıxıb. 

Hər üç turnirdə iddiasını davam etdirən "Real Madrid" rəhbərliyi böyük mükafat fondu ayırmaq qərarına gəlib. İspaniyanın "Marca" nəşrinin məlumatına görə, klub UEFA Çempionlar Liqası və FIFA Klublararası Dünya Kuboku çempionluğu üçün xüsusi mükafat müəyyənləşdirib.

Əgər "Real Madrid" UEFA Çempionlar Liqasının qalibi olarsa, hər futbolçuya 900 min avro mükafat ödənəcək. FIFA Klublararası Dünya Kubokundakı qələbə üçün isə oyunçuların hər biri 650 min avro qazanacaq. Yəni komanda iki final matçında qalib gələrsə, ümumilikdə futbolçuların hər biri 1 milyon 550 min avro mükafat alacaq.

Aydın

Sorğu

Saytda hansı materialların daha çox olmasını istərdiniz?
--> -->