Xəbər lenti

Dünya 13:25 25.09.2024

"Real" bir ildir uduzmur - "Barsa"nın rekorduna 4 oyun qaldı

"Real Madrid" ilboyu İspaniya La Liqasında uduzmayıb.

Qaynarinfo xəbər veruir ki, Madrid klubu sentyabrın 24-də "Alaveş"ə 3:2 hesabı ilə qalib gəlib. Qolları Lukas Vaskes, Kilian Mbappe və Rodriqo vurub.

"Real Madrid"in İspaniya çempionatında sonuncu məğlubiyyəti 24 sentyabr 2023-cü ildə qeydə alınıb. Həmin vaxt komanda "Atletiko Madrid"ə derbidə 1:3 hesabı ilə uduzub. O vaxtdan bəri "Kral Klubu" 39 oyun keçirib və məğlub olmayıb.

Hazırda yalnız "Barselona" məğlubiyyətsiz ən uzun seriyaya sahibdir. Kataloniya klubu 2017-2018-ci illərdə ardıcıl 43 matçda uduzmayıb.

Növbəti turda "Real Madrid" "Atletiko Madrid"lə qarşılaşacaq. Görüş sentyabrın 29-da baş tutacaq. 

Hazırda La Liqanın turnir cədvəlinə 18 xalla "Barselona" başçılıq edir. "Real Madrid" 17 xalla ikinci yerdədir. İlk üçlüyü 13 xalla "Atletik Bilbao" qapayır. 

Aydın

Sorğu

Saytda hansı materialların daha çox olmasını istərdiniz?
--> -->