Xəbər lenti

Mourinyo 10 ildir kubok qazanmayan kluba gedir
İdman 14:35 19.01.2024

Mourinyo 10 ildir kubok qazanmayan kluba gedir

Portuqaliyalı baş məşqçi Joze Mourinyo Səudiyyə Ərəbistanının "Əş-Şəbab" komandasına rəhbərlik etməyə razılaşıb. 

Qaynarinfo xəbər verir ki, bu barədə "Aawsat" məlumat yayıb.

Mənbənin məlumatına görə, Mourinyo "Əş-Şabab"ın idman direktoru Dominiko Tite ilə videogörüş keçirib. Bildirilir ki, onun namizədliyi artıq Səudiyyə Ərəbistanı Peşəkar Liqasının məşğulluq komitəsi tərəfindən təsdiqlənib. 

Mourinyonun müqavilə şərtlərini razılaşdırmaq üçün yaxın günlərdə Ər-Riyada uçacağı gözlənilir. Komanda hazırda bu mövsüm Səudiyyə Ərəbistanı Pro Liqasında 11-ci pillədə qərarlaşıb. Klub 10 ildir ki, kubok qazanmır.

Yanvarın 16-da İtaliyanın "Roma" klubu Mourinyonun baş məşqçi postunu tərk etdiyini açıqlayıb. O, 2021-ci ilin may ayından bu klubda çalışırdı. Portuqaliyalı 2021/22 mövsümündə komandanı Konfrans Liqasının qalibi edib. Ötən mövsüm "Roma" Avropa Liqasının finalçısı olub.

Mourinyo əvvəllər "Çelsi”, "İnter”, "Real Madrid”, "Mançester Yunayted” və "Tottenhem”də işləyib.

Aydın

Sorğu

Saytda hansı materialların daha çox olmasını istərdiniz?
--> -->