Apple hər yeni iPhone modeli ilə performansı, təhlükəsizliyi və istifadə rahatlığını daha da təkmilləşdirir. Şirkətin təqdim etdiyi son yeniliklər arasında daha güclü çipsetlər, uzun ömürlü batareyalar və süni intellekt əsaslı xüsusiyyətlərə malik iPhone 16 seriyası vardır. Bu seriya əvvəlki modellərə nisbətən daha inkişaf etmiş texnologiya, istifadə rahatlığı və dizayn yenilikləri ilə istifadəçilərin gözləntilərini üstələyir. Yeni iPhone 16 modelləri ilə təqdim edilən ən diqqət çəkən 5 xüsusiyyət bunlardır:

Daha əlverişli dizayn

Yeni iPhone 16 modelləri Apple tərəfindən bu günə qədər çıxarılan bütün iPhone-lardan daha yüngüldür. Xüsusilə Pro modellərdə əvvəlki nəsildə tətbiq edilən titan çərçivə bu il də qorunaraq cihazın çəkisini daha da azaltmağa imkan verib. Yenilənmiş dizayn telefonun gündəlik istifadədə rahatlığını artırır, əllərdə daha asan tutulmasını təmin edir və uzun müddətli istifadə zamanı yorğunluğu azaldır. Bundan əlavə, iPhone 16 seriyasının erqonomik (rahat) forması və yenilənmiş kənarları telefonu daha stabil və rahat bir tutuş imkanı ilə təqdim edir.

Wi-Fi 7 texnologiyası

Yeni iPhone 16 seriyası Wi-Fi 6 standartından daha irəlidə olan Wi-Fi 7 texnologiyası ilə təchiz olunub. Bu yeni texnologiya uyğun modemlərlə birlikdə çox daha sürətli internet bağlantısı və sabit əlaqə təmin edir. Wi-Fi 7 sayəsində istifadəçilər video yükləmə, onlayn oyun oynama və yüksək həcmli məlumat transferlərini daha sürətli və daha stabil şəkildə həyata keçirə biləcəklər. Həmçinin bu texnologiya gecikməni minimuma endirərək video zənglər və canlı yayımlar üçün daha keyfiyyətli bir təcrübə təqdim edir.

Sürətli çəkiliş

iPhone 16-da foto və video çəkilişi arasında daha sürətli keçid imkanı yaradan yeni Quick Video Capture funksiyası təqdim edilib. Bu özəllik sayəsində istifadəçilər ayrıca bir video rejiminə keçmədən, birbaşa kamera interfeysində tez və asanlıqla video çəkə biləcəklər. Ani anları qaçırmadan, yüksək keyfiyyətli video qeydləri aparmaq indi daha da rahatdır. Apple bu texnologiyanı iPhone 16 Pro modellərində daha da inkişaf etdirərək, ProRes video çəkilişi və süni intellekt dəstəyi ilə daha peşəkar bir təcrübə təqdim edir.

Təkmilləşmiş batareya və daha sürətli naqilsiz enerji doldurma

iPhone 16 modelləri əvvəlki nəsillərə görə daha böyük və effektiv batareya ilə təchiz olunub. Yeni cihazlar artıq MagSafe texnologiyası ilə 20W və 25W, digər naqilsiz enerji doldurma cihazları ilə isə 15W-a qədər daha sürətli şəkildə enerji yığa bilir. Beləliklə, istifadəçilər batareyanın dolma müddətini əhəmiyyətli dərəcədə azaldaraq cihazlarından daha uzun müddət istifadə edə bilərlər. Bununla yanaşı, Apple yeni nəsil adaptiv enerji idarəetmə sistemi sayəsində batareyanın daha uzunömürlü olmasını təmin edib.

Güclü və effektiv Apple A18 prosessoru

Yeni iPhone modellərində mövcud olan Apple A18 prosessoru əvvəlki iPhone nəsillərinə görə ciddi performans artımı təqdim edir. Bu prosessor iPhone 15 ilə müqayisədə 30%, iPhone 14 ilə müqayisədə isə 50% daha sürətli işləyir. Eyni zamanda, masaüstü kompüterlər səviyyəsində olan gücü istifadəçiləri daha az enerji sərfiyyatı ilə təmin edərək, daha uzun batareya ömrü və yüksək məhsuldarlıq təklif edir. Apple A18 prosessoru daha sürətli tətbiq işləmə, yüksək qrafika performansı və inkişaf etmiş maşın öyrənmə xüsusiyyətləri ilə iPhone 16 modellərini bazardakı ən güclü smartfonlardan birinə çevirir. Bununla yanaşı, iPhone 16 seriyası daha effektiv soyutma sistemi ilə təchiz olunaraq, cihazın yüksək yüklənmə zamanı daha effektiv işləməsini və performansını stabil saxlamasını təmin edir.

Yeni təqdim olunan bu xüsusiyyətlər ilə iPhone 16 modelləri smartfon istifadə təcrübəsini xeyli təkmilləşdirərək istifadəçilərin hər sahədəki ehtiyaclarını tam olaraq qarşılayır. Apple-ın təqdim etdiyi bu yeniliklər texnologiya həvəskarlarını həyəcanlandıraraq, iPhone 16 seriyasının bazarda böyük rəğbət qazanacağını göstərir.

iPhone 16-nın xüsusiyyətləri qədər insanları maraqlandıran başqa bir mövzu da iPhone 16 seriyasının qiymətidir. Bu məqalənin yayımlandığı tarixdə iPhone 16-nın qiyməti 2169 AZN-dən, iPhone 16 Pro qiyməti 2799 AZN-dən, iPhone 16 Pro Max-ların qiyməti isə 3349 AZN-dən başlayır.