Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Arxeoloqları heyrətə salan iddia: Musa peyğəmbərə aid 3,8 min illik mesaj tapıldı
Misirin Sina yarımadasında, ətrafdan uzaq bir vadidə yerləşən qədim mədən sahəsində üzə çıxarılan daş yazılar arxeologiya və din tarixini sarsıdacaq səviyyədə bir iddianı gündəmə gətirib.
Qaynarinfo xəbər verir ki, 3 min 800 il əvvələ aid olduğu düşünülən yazılarda Musa peyğəmbərin adına birbaşa istinad edilməsi mütəxəssislər arasında böyük maraq doğurub.
"Daily Mail" nəşrinin xəbərinə görə, mədən sahəsində aparılan qazıntılar zamanı tapılan yazılardan birində "Bu, Musadandır" mənasına gələn bir ibarə yer alır. Araşdırma qrupunda yer alan tədqiqatçı Maykl Bar-Ron bildirir ki, bu ifadə yalnız arxeoloji deyil, həm də dini və mədəni mənada böyük bir dönüş nöqtəsini simvolizə edə bilər. Mütəxəssislər bu yazının Tövratda təsvir olunan və Musanın rəhbərliyi ilə baş verdiyi inanıla "Çıxış” hekayəsinə işıq tuta biləcəyini düşünür.
Ərazidəki bəzi daş yazılarda qədim Misir tanrıçalarının adlarının sonradan oyulub silindiyi müşahidə edilib. Bu hal, arxeoloqlar tərəfindən həmin dövrdəki inanc sistemindən qopma prosesinin izləri kimi qiymətləndirilir. Həmin ərazidə yerləşən və "lənətlənmiş giriş” adlandırılan bir koridor, həmçinin yandırıldığı ehtimal edilən bir məbədin qalıqları da bu nəzəriyyəni gücləndirir.
Bölgədə əldə edilən digər önəmli tapıntılardan biri isə Firon sarayında xidmət etmiş olduğu düşünülən Asiya mənşəli bir müşavirin adının həkk olunduğu nəhəng daş abidədir. Bu da həmin dövrdə Misirdə müxtəlif xalqlar arasında kompleks mədəni qarşılıqlı əlaqələrin mövcud olduğunu göstərir. Bar-Ron yazıtların həm tarixi, həm də mənəvi olaraq "transformativ” bir mesaj daşıdığını deyir.
Lakin bu iddialar arxeologiya və mifologiya sahələrində fikir ayrılıqlarına səbəb olub. Kanadanın Britaniya Kolumbiyası Universitetindən misirşünas Prof. Dr. Tomas Şnayder məsələyə ehtiyatla yanaşaraq "Ortaya atılan şərhlər son dərəcə cəlbedicidir, lakin elimizdəki sübutlar hələlik elmi dəqiqlik daşımır", deyə bildirib.
Hazırda arxeoloqların diqqəti mədən ocağının daha dərin qatlarında nələrin gizləndiyinə yönəlib. Çünki bir çox mütəxəssisə görə, bu kəşf yalnız başlanğıcdır.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər